आपली दिपावली, शुभ दिपावली !

आली दिवाळी, आली दिवाळी, 

आपली दिपावली, शुभ दिपावली

आली दिवाळी, पहाट वेळी

आनंदाने अभ्यंग स्नान करू

दिव्या दिव्यांचे पुजन करूनी

अंगणी, दिव्यांची आरास करू

आल्हाददायक रम्य प्रहरी

ऊंच आकाश कंदील लावू

गार हवेच्या झुळुकां मधुनी

भुरभुरणाऱ्या शेपट्या धरू

सुगंधित फुलांची करू बांधणी

दारां वरती तोंरणे लावू

स्वच्छ अंगणी काढू रांगोळी

विविध छटांचे रंग भरू

नवे नवे पोशाख चढवूनी

दिवाळी साजरी चला करू

फुलबाजा अन् भुई नळ्यांनी

फटाक्याची आतषबाजी करू

मंगल समयी करून आरती

देवांचें आपल्या पुजन करू

सुवासिक, सुगंधित अगरबत्तींनी

वातावरण ही उल्हसित करू

लाडू, चिवडा, करंजी, चकल्या

शेव, अनारसे अन् शंकरपाळ्या

गोड, तिखटाचे पदार्थ मांडून

सुमधुर, रुचकर फराळ करू

गाय वासराची पुजा करू

धन्वंतरीचे ही आशिर्वाद घेऊ

असत्यावर विजय मिळवू

लक्ष्मीला खरेच प्रसन्न करू

पाडव्याला आणू नवा गोडवा

बहीणभावाची माया दृढ करू

आनंदा बरोबर भरभराटी साठी

दिपावली, एकत्र साजरी करू 

आली दिवाळी, आली दिवाळी, 

आपली दिपावली, शुभ दिपावली 

प्रशांत कदम,

९५९४५७२५५५

२६-१०-२०१६.

Sent from my iPhone