प्रशांत गझल - थांबू नकोस आता !!

 

वृत्त : आनंदकंद

लगावली : गागाल गालगागा गागाल गालगागा

थांबू नकोस आता !!

पाहू नकोस मागे, मोडू नकोस आता

निश्चित करून ध्येये, सोडू नकोस आता

आता पुढेच जा तू , विसरून मोह माया

दगडा वरील रेषा, खोडू नकोस आता

दुष्टांस सोड पाठी, हाणून पाड त्यांना

हेवे तसेच दावे, जोडू नकोस आता

नाती नवीन सच्ची, जोडून काम घे तू

संगत गुरूजनांची, तोडू नकोस आता 

घे साथ सज्जनांची, काचे समान हो तू

वचनास जाग थोडे, फोडू नकोस आता 

प्रशांत कदम, 

९५९४५७२५५५,

१३~०१~२०२१.

●