प्रशांत गझल - भुई !!

लगालगा लगालगा लगालगा लगालगा - कलिंदनंदिनी

भुई !!  

हवा मनात गंध तो  सदा मनी वसेल जो

फुले जगात आणती सुगंध तो ठसेल जो

मनात धर्म पाहिजे जसा दिसे फुलां मधे

सदैव लीन राहतो विठू पुढे बसेल जो 

मनात शांतता हवी प्रसन्न बघ जगावया 

तरच मिळेल गोडवा मनात तो असेल जो

मजूर ते किती तरी भुईस वंचिले सदा

असेल तो धनी खरा अता भुई कसेल जो

मना मनात जागवा समानता व बंधुता 

घडेल त्यात देश मग हवा तसा हसेल जो 

कदम,

मुंबई, 

९५९४५७२५५५.

२९~०४~२०२२.

●