तो पाऊस !!

तो पाऊस जो नेहमीच खूप सूखावतो
जो उन्हाळ्यात तप्तते पासून वाचवतो
आल्हाद देणारा तो पहिला पाऊस
शांत संतत सतत असा बरसणारा
संपूर्ण सृष्टी हिरवीगार करणारा
चातुर्मासातील तो मनोहारी पाऊस
तो पाऊस खरच असतो सुखावणारा
मना मनांत नवं चैतन्य जागविणारा

तो पाऊस जो ढगफुटीत कोसळणारा
आक्रस्थाळेपणे येवून रौद्र रूप घेणारा
संकटाची चाहूल दाखविणारा असतो
महापूर,महामारी,ओला दुष्काळ आणतो
सर्वांनाच खूप भयभीत करणारा असतो
खरंच अगदी नको नकोसा वाटतो
कधी पडू नये, बरसू नये असच वाटतो
असा घाबरवून सोडणारा पाऊस असतो

तो पाऊस जो अवेळी अचानक बरसतो
तयार झालेल्या पिकांची नासाडी करतो
बळीराजाचे अतोनात नुकसान करतो
चाकरमानी ना अचानक येऊन भिजवतो
पूर्व आयोजित कार्यक्रमांची वाट लावतो
लहान थोर मंडळींची फजीती उडवतो
अशी ही पावसाची रुपे आपण अनुभवतो
कधी सुखावणारा, कधी घाबरवणारा, तर
कधी फजीती करणारा तरी ही नेहमीच
हवा हवासा वाटणारा असतो तो पाऊस !

‌प्रशांत कदम,
९५९४५७२५५५,
०७-११-२०१९.