आजी तू फक्त प्रेमच कर !!

आजी तू फक्त प्रेमच कर
आणि कर खाऊ रूचकर

नातवंड आता झालीत मोठी

कोणी राहीलीत नाही छोटी

अभ्यास करा म्हणून नको छळू
त्यांचं त्यांनाच लागलंय कळू

दमून उगाच लागू नकोस पाठी
मोबाईल त्यांच्या आलेत  हाती

रीजवतात अन् शिकवतात तेच अती
त्याच्या पुढे त्यांना नाही दिसत नाती

आजी वाटेल तुला खरंच अगदी
घालावी त्यांनी फुगडी अन् लंगडी

तुझं ऐकण्याची ते नाही घेणार तसदी
सद्या मोबाईल त्यांचा झालाय सवंगडी

मोबाईल बघण्यात त्यांचा जातोय वेळ
त्यातच खेळताहेत ते त्यांचे सर्व खेळ

म्हणूनच आजी तू फक्त प्रेमच कर
वाईट वाटून घेऊ नको, फक्त आराम कर !

प्रशांत कदम,
९५९४५७२५५५,
१५-१२-२०१९.