मराठी असे आमुची माय बोली !

मराठी असे आमुची माय बोली
अभिमान आम्हा आमच्या भाषेचा
प्रत्येक शब्द अन् शब्द या भाषेचा
अमृततुल्य वंदनीय अन् देव वाणीचा

उगम भाषेचे पुरातन रामायणातील
महाभारतातील अन् शिवकालातील
आचार,विचार,उच्चार समृद्ध त‌याचे
शास्त्र,विज्ञान,ललित विषय जाज्वल्यतेचे

रामदासांचे श्र्लोक, ज्ञानेश्वरांची ज्ञानेश्वरी
तुकारामांचे अभंग, गदिमां चे शब्द सूर
विविध शब्द साहित्याने समृद्ध लोक भाषा
अमृता हुनी गोड अशी आमची माय भाषा

गौरवशाली परंपरा, संस्कृती जपणारी
ओजस्वी समृद्धशाली आमची माय बोली
प्रचार आणि प्रसार करुया मराठी भाषेचा
अभिमान बाळगुया आपल्या माय बोलीचा

प्रशांत कदम,
९५९४५७२५५५
०३-११-२०१९