असं का ?

असं का ?
                                                           

काय करायचं असतं आणि                                      
माणसं काय करुन बसतात
बोलायचं असतं महत्त्वाचं
नेमकं तेच का विसरुन जातात ?

फोनवरतीच वेळ सगळा
मुलं आपली घालवतात सतत
आई बापाने समजावलं तरी
ते त्यांना का नाही पटत ?

महागड्या दुकानांतून खरेदी
सर्वच करतात बिनदिक्कत
समाज कार्य करताना मात्र
सहसा कोणी का नाही दिसत ?

मोठेपणा मिरवण्या साठी
माणसं वायफळ असतात बोलत
कौटुंबिक संवाद साधण्यासाठी
कधि कुणी का नाहीं भेटत ?

सीमेवर वरती मरतो सैनिक
त्याचे नसते सोयर सुतक
क्रिकेट मध्ये गेली विकेट
तर ते एवढं का वाटत घातक ?

प्रशांत कदम,
९५९४५७२५५५
१४-०७-२०१९.