रहा आनंदी !

रहा आनंदी !!

डोळ्यांत प्रात:काली 

आणू नकोस तू अश्रु,

अंधकार दूर करण्यास

उगवत असतो सुर्य,

हे नकोस तू विसरू !

हो तयार स्वागतास 

झटकून मनातील मरगळ,

कामास लाग परत

कर उल्हसित ते मन,

बघ तेच देईल बळ !

जीवनात क्षण दुखाचे

येतात ते असंख्य,

पण राहतात ते क्षणीक

जर केले सहज प्रयत्ने,

आपण सुखांशी सख्य !

क्षण एक एक सुखाचा

घालवू नकोस तू व्यर्थ,

ठेव ह्रदयात साठवून

मन आनंदी करुनी,

मग जीवनास देईल अर्थ !

आनंद जीवनातला

आनंदी राहण्यातच राहे,

नश्वर अशा जगी ह्या

होईल काय ? केंव्हा ?,

कोणास ज्ञात आहे !

प्रशांत कदम,

९५९४५७२५५५,