प्रशांत अभंग - पंढरीची वारी !!

पंढरीची वारी !!

पंढरीची वारी । मनात असावी ।

स्वप्नात दिसावी । सदोदित ।।१।।

आषाढीची वारी । पंढरीच्या दारी । 

पावसाच्या सरी । गगनात ।।२।।

साद मृदुंगाची । नाद चिपळ्यांचा।

गजर नामाचा । आसमंती ।।३।।

मिटे सर्व चिंता । दूर होती दुःखे ।

येती सर्व सुखे । नाम घेता ।।४।।

विठू रखुमाई । मायेची सावली ।

भक्तांची माऊली । खरोखरी ।।५।।

कशास करावी । चिंता जीवनाची ।

असे श्रीहरीची । कृपा सारी ।।६।।

विठू रखुमाई । प्रशांत जाणतो ।

आपले मानतो । मायबाप ।।७।।

प्रशांत कदम, 

गोरेगांव, मुंबई, 

9594572555.