गालगागा गालगागा गालगागा - मंजुघोषा वृत्त
सूर !!
गात होती कोकिळा बागेत माझ्या
मैफिलीचे सूर ते आहेत माझ्या
सूर होते खास गुंजन देत पाठी
संग होते आज ते वाटेत माझ्या
नाद होता ताल होता आज येथे
तो गजर ही छान ह्या छायेत माझ्या
आज तो आनंद झाला ऐकताना
दंग होता मोद ही मायेत माझ्या
सूर करती काय जादू आज कळले
चांगले झंकारले जागेत माझ्या
गात होती कोकिळा बागेत माझ्या
मैफिलीचे सूर ते आहेत माझ्या
प्रशांत कदम,
०१~१०~२०२१,
९५९४५७२५५५.
No comments:
Post a Comment