वृत्त - आनंद - गागालगा लगागा
मस्तीत येत जारे !!
नशिबात आपल्या रे
आनंद का नको रे
मस्तीत येत जारे
खेळू जमून सारे
दाटून मळभ आले
उघडेल पावसाने
सोडू नकोस आशा
दिसतील चंद्र तारे
दैवात माणसाच्या
येतात दुःख का रे
हसताच संगतीने
पळतील दूर ना रे
रिझतील सर्व श्रोते
अश्रूत डुंबणारे
गाणे असेच गावे
हो तृप्त ऐकणारे
वाईट आणि खोटी
संगत नको धरा रे
दुस-यांस देत जावे
जीवन असे जगा रे
प्रशांत कदम,
मुंबई
९५९४५७२५५५.
०९~१०~२०२२.
गालगा गालगा गालगा गालगा
चालता चालता मी असा थांबतो
हात हाती तुझा नी तुला पाहतो
रूप मोहक तुझे पाहता गुंततो
स्तब्ध होऊन मी फक्त न्याहाळतो
काय सांगू तुला खास माझी व्यथा
सुर्य चंद्रा पुढे आज झोकाळतो
रुप तुझे देखणे लाघवी वागणे
पाहता चंद्र ही रोज भारावतो
नयन ते मोहवी मोहिनी घालुनी
विसरुनी भान मग पुर्ण नादावतो
प्रशांत कदम,
१८~१२~२०२१,
९५९४५७२५५५.
वृत्त - सारंग : गागाल गागाल गागाल गागाल
हसणार नक्कीच !!
काही तरी आज घडणार नक्कीच
दडपण मनातील सरणार नक्कीच
केलीच आहे अशी मेहनत फार
यश आज हातात पडणार नक्कीच
भाग्यात दिसतात मिलनातले योग
ह्रदयातली गोष्ट खुलणार नक्कीच
पडतात कोडीच खंजीर पाठीत
गाठी जरी खूप सुटणार नक्कीच
येणार एकत्र झालो कधी दूर
सोडून मग दुःख हसणार नक्कीच
प्रशांत कदम,
गोरेगांव, मुंबई,
९५९४५७२५५५,
गागालगा लगागा गागालगा लगागा -
वृत्त - आनंदकंद
मनसोक्त आज भिजलो पाण्यात पावसाच्या
झिंगून नाचलो मी तालात पावसाच्या
विसरून मात्र गेलो माझ्या वयास पुरता
दंगून गात बसलो नादात पावसाच्या
पाऊस आज टप टप बरसून काय आला
गुंतून खास गेलो थेंबांत पावसाच्या
विज बघ नभात चमके गालात लाजताना
रंगून चिंब झालो छंदात पावसाच्या
थंडी तशीच भरली येता तूफान मोठे
थिंबून पूर्ण गेलो कहरात पावसाच्या
प्रशांत कदम,
मुंबई,
गागालगा लगागा गागालगा लगागा - आनंदकंद वृत्त
नवी पीढी !!
सुरुवात बैठकीची हास्यात होत आहे
त्याने बदल कदाचित भाग्यात होत आहे
बोलून मात्र कोणी उपयोग काय सांगा
पीढीच आज काही वाह्यात होत आहे
फाजील लाड सारे आयुष्य दुःख देते
परिणाम सर्व त्याचा त्राग्यात होत आहे
वाईट संगतीने वादात तोल जातो
अपसूक मग दुरावा नात्यात होत आहे
होतात खर्च मोठे नाही कुठे नियंत्रण
वित्तीय तूट भारी खात्यात होत आहे
प्रशांत कदम,
.jpg)
गालगागा गालगागा गालगागा गालगागा - व्योमगंगा
विश्वासघात !!
शांत आता सर्व झाले, शांत तू बसलास कारे
सांग माझ्या बोलण्यावर, काल तू रडलास कारे
काय माझे सांग चुकले, सांगता माझी कहाणी
स्तब्ध झाला तू खरोखर, पूर्णता गढलास कारे
तूच माझा गर्व होता, तूच माझे विश्व होता
पाहता मग मज अचानक, लाजुनी लपलास कारे
छान असता मित्र दोघे, वाढला नाहक दुरावा
कोणत्या रूपास आता, तू पुन्हा भुललास कारे
गुंतलेला जीव असता पुर्ण माझ्यावर तुझा तर
त्याच जीवा वर अचानक तू असा उठलास कारे
प्रशांत कदम,
मुंबई,
९५९४५७२५५५,
१८~०८~२०२२.
●
मित्र आम्ही !!
मैत्री निर्मळ करतो आम्ही
मैत्र भावना स्मरतो आम्ही
आले मोठे अडथळे जरी
पुरून त्यांना उरतो आम्ही
गलितगात्र जर मित्र भासले
ह्रदयी उर्मी भरतो आम्ही
आधार पुढे लगेच करुनी
सावरण्या मग झटतो आम्ही
रुसवे फुगवे दूर ठेवुनी
मोदात सदा हसतो आम्ही
प्रशांत कदम,
९५९४५७२५५५.
मित्र ।
हर आफत मे एक आधार
जो पहला दे, मित्र वही है ।
मुश्किल की घडी मे आकर
जो सहला दे, मित्र वही है ।
खौफनाक स्थिती सहजता से
जो टहला दे, मित्र वही है ।
दिल छूकर आंसूमे बहाकर
जो नहला दे, मित्र वही है ।
सुनी बेचैन घडी मे दिल को
जो बहला दे, मित्र वही है ।
किंतु परंतू को रोककर
जो मसला दे, मित्र वही है ।
हर दुख मे साथ रहकर
जो हौसला दे, मित्र वही है ।
प्रशांत कदम,
गोरेगांव, मुंबई,
९५९४५७२५५५,
गागालगा लगागा गागालगा लगागा - आनंदकंद
नादात पावसाच्या !!
मनसोक्त आज भिजलो पाण्यात पावसाच्या
झिंगून नाचलो मी तालात पावसाच्या
विसरून मात्र गेलो माझ्या वयास पुरता
दंगून गात बसलो नादात पावसाच्या
पाऊस आज टप टप बरसून काय आला
गुंतून खास गेलो थेंबांत पावसाच्या
विज बघ नभात चमके गालात लाजताना
रंगून चिंब झालो छंदात पावसाच्या
थंडी तशीच भरली येता तूफान मोठे
थिंबून पूर्ण गेलो कहरात पावसाच्या
प्रशांत कदम,
मुंबई,
१३~०७~२०२२.
गागालगा लगागा गागालगा लगागा - आनंदकंद
करमत नसे कुणाला !!
खेळू नये मनाशी उमजत नसे कुणाला
नाजूकसे ह्रदय का समजत नसे कुणाला
जर मोडले कुणीही मन आपले कधीही
आनंद हर्ष सुद्धा हसवत नसे कुणाला
नाही उमेद जेथे काटेच पेरलेले
गंभीर गात्र असता बसवत नसे कुणाला
जागी अमंगलाच्या मंगल कसे घडावे
शापित घरात कोणी जमवत नसे कुणाला
साथी घरात नाही सोडून दूर गेला
विरहात आसवांच्या करमत नसे कुणाला
प्रशांत कदम,
मुंबई,
९५९४५७२५५५.
०९~०७~२०२२.
पंढरीची वारी !!
पंढरीची वारी । मनात असावी ।
स्वप्नात दिसावी । सदोदित ।।१।।
आषाढीची वारी । पंढरीच्या दारी ।
पावसाच्या सरी । गगनात ।।२।।
साद मृदुंगाची । नाद चिपळ्यांचा।
गजर नामाचा । आसमंती ।।३।।
मिटे सर्व चिंता । दूर होती दुःखे ।
येती सर्व सुखे । नाम घेता ।।४।।
विठू रखुमाई । मायेची सावली ।
भक्तांची माऊली । खरोखरी ।।५।।
कशास करावी । चिंता जीवनाची ।
असे श्रीहरीची । कृपा सारी ।।६।।
विठू रखुमाई । प्रशांत जाणतो ।
आपले मानतो । मायबाप ।।७।।
प्रशांत कदम,
गोरेगांव, मुंबई,
9594572555.
अभंग - भाव भोळा हरी । ( ६।६।६।४ )
भाव भोळा हरी । मनात असावा ।
स्वप्नात दिसावा । नित्य नेमे।
करा सदा भक्ती । पावेल तत्क्षणी ।
दिसे क्षणो क्षणी । आस पास ।
उपास तापास । करावे कशास।
असता जमेस। हरी भक्ती ।
जगावे निर्मळ । नसावी आसक्ती ।
नाही काही सक्ती । देवा ठायी ।
जगाच्या कल्याणी । राबतो अनंत।
खरा साधू संत । ओळखावा ।
करुनी अर्पण । जगी दान धर्म ।
करावे सत्कर्म । सदोदित ।
विठू रखुमाई । आमुची माऊली ।
मिळे ती सावली । चरणांशी।
प्रशांत कदम,
मुंबई,
९५९४५७२५५५.
गालगागा गालगागा गालगागा गालगागा - व्योमगंगा
सूर छेडल्यावर !!
खुंटते मग वाढ झाडाची मुळाशी ठेचल्यावर
ताणता तुटतो रबर ही लांब जास्ती खेचल्यावर
सोडवावे वाद सारे ठेवुनीया गर्व मागे
वाद गुंता माफ होतो एकमेका भेटल्यावर
देव पूजा नित्य करुनी आळवी मी पांडुरंगा
मात्र त्याची जाण होते सोवळे बघ नेसल्यावर
आज प्रचिती माउलीची जीवनाचे मोल कळता
देव स्वप्नी पाहतो आयुष्य अर्धे वेचल्यावर
सूर सारे खास कळती दुःख भारी भोगल्यावर
आज ही आनंद मिळतो सूर साधे छेडल्यावर
प्रशांत कदम,
मुंबई,
९५९४५७२५५५.
गागालगा लगागा गागालगा लगागा - आनंदकंद
करतोस काय मित्रा !!
होता कठीण सारे रडतोस काय मित्रा
तू घाबरुन जगाला पळतोस काय मित्रा
एकेक श्वास किमती दवडू नकोस वाया
धरुनी मनात भीती बघतोस काय मित्रा
घे तू मशाल हाती शोधात मार्ग सच्चा
अंधार आत असता जगतोस काय मित्रा
अस्तास दुःख गेले येतील दिन सुगीचे
भय दूर सार आता बसतोस काय मित्रा
झोपू नकोस आता दे दाखले जगाला
झोकून सामना कर हसतोस काय मित्रा
प्रशांत कदम
मुंबई
२६~०६~२०२२.
●
पाऊस सांजवेळी !!
पाऊस सांजवेळी, खेटून थांबलेला
भिजवायला मनाला, येवून थांबलेला ,
पाऊस तर अपरिमित, निसर्ग बहरलेला,
हिरवळ जणू चहुकडे, लेवून थांबलेला
पाऊस मोह माया, प्रीतीस खुलवणारा
मीलन विचार देही, घेवून थांबलेला
पाऊस प्रातःकाली, वारा उधाणलेला
प्रीती अमाप जीवा, देवून थांबलेला
पाऊस सांजवेळी, मोकाट सूटलेला
वा-यास झेलणारा, भेटून थांबलेला
प्रशांत कदम,
९५९४५७२५५५,
२०~०८~२०२१.
९५९४५७२५५५.
गालगागा गालगागा गालगागा गालगागा - व्योमगंगा
स्वर्ग थोटा भासतो !!
गोड नाते राहते का शब्द कडवे बोलल्यावर
शुद्ध कोणा काय असते घोट कडवे घेतल्यावर
वाइटाला कोण केंव्हा सोडते का आज इतके
नाद जडला तो सुटावा ध्येय उरते लागल्यावर
दूर ठेवावे असे ते मार्ग धोक्याचे सदोदित
मात्र केवळ दुःख मिळते मित्र सोदे जोडल्यावर
जाळुनी बघ ह्रदय माझे काय मोठे साधले तू
भोगले तू दुःख ऊगा साथ माझी सोडल्यावर
देत जावे घेत जावे एकमेका सावरावे
भासतो मग स्वर्ग थोटा माणसे ही भेटल्यावर
प्रशांत कदम,
मुंबई,
०२~०६~२०२२.
आनंदकंद वृत्त - गागाल गालगागा गागाल गालगागा
मी ही तयार आहे !!
धंदे बरेच केले, बसलो कधीच नाही
व्यापार खूप केला, चुकलो कधीच नाही
अनुभव चिकार आले, तावून मी निघालो
धक्केच घेत शिकलो, थकलो कधीच नाही
मदतीस येत होतो, कोणास ही कधीही
नाही कधी न म्हटले, दमलो कधीच नाही
शेतात काम केले, धरणीस मानले, नी
मातीत रंगलो मी, हरलो कधीच नाही
देशास पाहिजे ते, सैनिक तरूण उमदे
मी ही तयार होतो, हटलो कधीच नाही
प्रशांत कदम
०५~१०~२०२१.
९५९४५७२५५५.
गालगागा गालगागा गालगागा - वृत्त - मंजुघोषा
हुंडा !!
गोड माझे शब्द होते का न कळले
सांग पाहू पाय पाठी का न वळले
पेटले जर रान सारे वाढलेले
झाड काटेरी तरी मग का न जळले
निरपराधी जंगलावर पण निखारे
दुःख सारे बघ वनाचे का न टळले
भ्रूणहत्या का मुलींची लोक करती
चित्त त्यांचे मारताना का न ढळले
होत आहे छळ वधूचा घेत हुंडा
जावयाला बांधवांनी का न छळले
प्रशांत कदम,
मुंबई,
९५९४५७२५५५.
8/8/6 - शुभगंगा
अक्रित
आज चांदणे ढगात लपले तुझ्या मुळे
शोधत प्रीती उनात हसले तुझ्या मुळे
तुला पाहता गोळा झाले नभात तारे
अंबर सारे उत्तम सजले तुझ्या मुळे
मत्सरात त्या नाहक रुसल्या अप्सरा जणू
नयन तयांचे नकळत भरले तुझ्या मुळे
प्रफुल्लित कसे जग पण झाले पाहता तुला
कित्येकांचे जीवन रमले तुझ्या मुळे
सौंदर्यवती जरी साजणी साधी माझी
जीवनात ह्या अक्रित घडले तुझ्या मुळे
प्रशांत कदम,
मुंबई,
१४~०५~२०२२.
गागालगा लगागा गागालगा लगागा - आनंदकंद
गीत गावे !!
संगीत ही पुजावे, शब्दांसमेत जावे
आस्वाद अन सुरांचे, माधुर्य घेत जावे
सुमधूर त्या सुरांना, आलाप जर मिळाला
तल्लीन होत सर्वां, आनंद देत जावे
नाही हुषार कोणी, शिकतील गात सारे
पुन्हा प्रयत्न करुनी, शिकवीत तेच जावे
मिळवून यश बरोबर, प्राविण्य संपदावे
संगीत तेच भारी, ऊंचीस नेत जावे
पद्यात बोलतांना, गाण्यात गात जावे
संगीत मैफिलीला, सूरांसवेत जावे
प्रशांत कदम,
१२~१२~२०२१.
९५९४५७२५५५.
●
वृत्त - जीवनलहरी - मात्रा - ६/६
आनंदी जगलो मी !!
आनंदी, जगलो मी
त्याच मुळे, तगलो मी
दु:ख दिले, नच कोणा
ना कोणा, हसलो मी
विवादही , केले मी
ना कोठे, फसलो मी
कामाला, ना हसता
कामाशी, गढलो मी
खडतर ते, दैव सदा
निवांत ना, बसलो मी
प्रशांत कदम,
मुंबई.
०७~०५~२०२२
●
वृत्त : आनंदकंद
लगावली : गागाल गालगागा गागाल गालगागा
थांबू नकोस आता !!
पाहू नकोस मागे, मोडू नकोस आता
निश्चित करून ध्येये, सोडू नकोस आता
आता पुढेच जा तू , विसरून मोह माया
दगडा वरील रेषा, खोडू नकोस आता
दुष्टांस सोड पाठी, हाणून पाड त्यांना
हेवे तसेच दावे, जोडू नकोस आता
नाती नवीन सच्ची, जोडून काम घे तू
संगत गुरूजनांची, तोडू नकोस आता
घे साथ सज्जनांची, काचे समान हो तू
वचनास जाग थोडे, फोडू नकोस आता
प्रशांत कदम,
९५९४५७२५५५,
१३~०१~२०२१.
●
वृत्त : आनंदकंद
लगावली : गागाल गालगागा गागाल गालगागा
भारत !!
झेंडे खरेच येथे गगनात भारताचे
सुफलाम नाव मोठे जगतात भारताचे
हाती असे तिरंगा प्रत्येक माणसाचे
सुजलाम काम आहे विश्वात भारताचे
ही मातृभूमि आहे प्राणाहुनी जवळची
सारेच नाव घेती मानात भारताचे
प्रशांत कदम
मुंबई,
९५९३५७२५५५,
२६~०१~२०२२.
●
दु:ख आता फार झाले, तरही गझल ( नाव माहीत नाही )
वृत्त : मनोरमा - लगावली : गालगागा गालगागा
राम राज्य आज सरले !! ()
बंद आता दार झाले
(दुःख आता फार झाले)
काय सांगू आज साध्या
माणसांवर वार झाले
चूक ज्यांची मात्र नाही
तेच नाहक ठार झाले
आहुती ही आज घेता
राग अवघे गार झाले
राम राज्य आज सरले
हे कथेचे सार झाले
प्रशांत कदम,
मुंबई,
९५९४५७२५५५,
२६~०१~२०२२.
●
जगावेगळे मागणे मागतो मी......... नचिकेत जोशी ( आनंदयात्री ) यांची ओळ.
वृत्त : भुजंगप्रयात
लगावली : लगागा लगागा लगागा लगागा
जरा वेगळे बोलणे मांडतो मी
(जगा वेगळे मागणे मागतो मी)
अधाशी पुढारी नको सांगतो मी
जगा सर्व वाटा असे सांगतो मी
अघोरी नको रे पुजारी कधीही
जना देत दानी रहा बोलतो मी
भयंकर नको रे शिकारी कधीही
दयावंत होता तया मानतो मी
कलंदर नको रे न ढोंगी कधीही
जगी सर्व सुंदर असे पाहतो मी
प्रशांत कदम,
मुंबई
२७~०१~२०२२,
९५९४५७२५५५
●
गागालगा लगागा गागालगा लगागा - आनंदकंद वृत्त
अर्थ जगण्याचा !!
भांडण उगाच करुनी, हसण्यात अर्थ नाही
त्रागा उगाच करुनी, जगण्यात अर्थ नाही
आयुष्य छान आहे, आनंद रोज घ्यावा
दिवसा गणीक तंटे, करण्यात अर्थ नाही
ध्येये समोर घ्यावी, श्रम ही तसे करावे
कामास देव माना, हरण्यात अर्थ नाही
येईल ते स्विकारा, अल्पात हर्ष माना
निष्क्रीय होत केवळ, बसण्यात अर्थ नाही
संतुष्ट हेच मोठे, औषध जगावयाचे
कार्यात मग्न व्हावे, रुसण्यात अर्थ नाही.
प्रशांत कदम,
९५९४५७२५५५,
२८~०१~२०२२.
●
गागालगा लगागा गागालगा लगागा - आनंदकंद
सांज !!
केंव्हा तरी मनाला, फुलवून सांज गेली
दिपले अजून डोळे, हरखून सांज गेली
कळले मलाच तेंव्हा, आभाळ खास होते
थ॔डी तशी गुलाबी, भरवून सांज गेली
बोलू कसे कुणाला, हातात हात होते
ऊरात स्पंदनाना, फसवून सांज गेली
आकाशही बुडाले, अंधार दाट झाला
धूसर वसुंधरा ती, हरवून सांज गेली
कळले मला न तेंव्हा, फसलो मिठीत केंव्हा
मग ओढ शेवटाची, सजवून सांज गेली
प्रशांत कदम,
मुंबई
९५९४५७२५५५,
२८~०२~२०२२.
●
वृत्त - प्रेय
गाललगा गालगा गाललगा गालगा
का असे ?
आज मला सांग ना, भासवते का असे ?
राग मनी नसुन ही, दाखवते का असे ?
प्रेम तुझे आहे ते, दाखवना आज ते
बाज तुझा पाहता, जागवते का असे ?
पाठ मला कारणे, आहेत बघ कालची
राग फुका आणुनी, नाचवते का असे ?
तूच अता बोलना, घेत मला समजुनी
दु:ख पुरे, सोडना, साठवते का असे ?
लोभ कधी धरु नको, दान स्वता करत जा
मानवता का हवी ? जाणवते का असे ?
प्रशांत कदम,
मुंबई,
०१~०२~२०२२,
९५९४५७२५५५.
●
गागालगा लगागा गागालगा लगागा - आनंदकंद वृत्त.
सैनिक असा मी !!
रक्षण करीत आता, सीमेवरी उभा मी
दिनरात जागतो मी, देतो लढा खरा मी
देशास मानतो मी, शत्रूस मारतो मी
मातेस प्राण देतो, सैनिक हा असा मी
थंडी असो कि पाउस, पर्वा नसे कुणाची
शत्रूस दूर करणे, हा उचलला वसा मी
शिवराय देव माझे, त्यानाच जाणतो मी
देशाभिमान वाहे, तो मावळा जसा मी
हाती धरून तिरंगा, मानात चालतो मी
भूमीस मान देतो, सांभाळतो तसा मी
प्रशांत कदम,
मुंबई,
९५९४५७२५५५
०४~०२~२०२२.
वृत्त - मंजूघोषा
लगावली - गालगागा गालगागा गालगागा
रक्त माझे !!
खास काही, आज आधी सांगतो मी
कोण खोटे बोलला तर, भांडतो मी
गोड वाणी आवडीने, बोलतो मी
सत्य माझे हिरहिरिने, मांडतो मी
राग तंटे भेद सारे, सोडतांना
सर्व धर्मी एकरंगी, बांधतो मी
एकमेका जोडणे, हे काम माझे
भिन्न धर्मी, भिन्न जाती, सांधतो मी
देश माझा सर्वश्रेष्ठी, मानतो मी
देश कार्या, रक्त माझे सांडतो मी
प्रशांत कदम,
मुंबई,
९५९४५७२५५५.
०५~०२~२०२२.
●
मदनरंग (6/6/6/5)
शब्द तुझे !!
शब्द तुझे मोलाचे आठवतो आज ही
प्रेरणा मना मध्ये जागवतो आज ही
उर्जा देती रोज नवी प्रेमाचे बोल ते
स्मृतिं मध्ये दिन रात्री घालवतो आज ही
किती निशा जागवल्या वाट तुझी पाहता
तुझ्या विना समई ही मालवतो आज ही
आस असे जाणवते येशी तू वाटते
तुज साठी रोज फुले मागवतो आज ही
मज असते चिंता ती हुरहुर ही जाळते
तव क्षेमा पत्रे ही पाठवतो आज ही
प्रशांत कदम,
मुंबई,
९५९४५७२५५५.
०६~०३~२०२२.
गागालगा लगागा, गागालगा लगागा - आनंदकंद वृत्त.
लतादीदी !!
सर्वांस आज दीदी, सोडून दूर गेली
सूरांस मात्र मागे, ठेवून दूर गेली
एकेक गीत सुंदर, भरपुर सुरेल गाणी
नाजुक स्वरांत मंजुळ, गावून दूर गेली
स्वर कोकिळा लता ती, भारत भु रत्न होती
सा-या जगास छ॔दी, बनवून दूर गेली
सैनिक जवान लढती, घेवून गान स्फुर्ती
गायक महान दीदी, भुलवून दूर गेली
स्वरांत गोडवा अन् , जादू तशीच होती
देशास शान दीदी, जिंकून दूर गेली
प्रशांत कदम,
मुंबई,
९५९४५७२५५५
०६~०२~२०२२.
लगावली : गागालगा लगागा गागालगा लगागा
आनंदकंद वृत्त - तरही गझल () सागर निंबाळकर.
(मोजू नकोस लाटा येतात त्या निरंतर)
मोजू नकोस लाटा देतात तंत्र सुंदर
देतात त्या जगाला जगवीत मंत्र सुंदर
येतात वादळे ही जातात ती उडूनी
लाटाच परत करती फिरवीत मंत्र सुंदर
घेईल समुद्र पोटी देईल परत सारे
दावी अथांग प्रीती घडवीत मंत्र सुंदर
बघण्यास तू सखे ये लाटाच त्या किनारी
हसतात बघ कशा त्या जडवीत मंत्र सुंदर
म्हणतो प्रशांत लाटा आहेत प्रिय निरंतर
देतात स्वर जगाला ऐकवित मंत्र सुंदर
प्रशांत कदम,
१६~०९~२०२१
९५९४५७२५५५.
आनंदकंद वृत्त -
गागाल गालगागा गागाल गालगागा
मी ही तयार आहे !!
धंदे बरेच केले, बसलो कधीच नाही
व्यापार खूप केला, चुकलो कधीच नाही
अनुभव चिकार आले, तावून मी निघालो
धक्केच घेत शिकलो, थकलो कधीच नाही
मदतीस येत होतो, कोणास ही कधीही
नाही कधी न म्हटले, दमलो कधीच नाही
शेतात काम केले, धरणीस मानले, नी
मातीत रंगलो मी, हरलो कधीच नाही
देशास पाहिजे ते, सैनिक तरूण उमदे
मी ही तयार होतो, हटलो कधीच नाही
प्रशांत कदम
०५~१०~२०२१.
९५९४५७२५५५.
●
वृत्त - जीवनलहरी (6/6)
तू !!
कधी कधी सजते तू
ह्रदयाला भिडते तू
प्रेमाने येत जसे
मना मधे हसते तू
राग कधी मौन कधी
संभ्रम ही करते तू
असा कसा स्वभाव हा
असेच का रुसते तू
तूच तरी आवडते
सदा मनी असते तू
@ प्रशांत कदम,
मुंबई
३१~०१~२०२२.
●
लगालगा लगालगा लगालगा लगालगा - कलिंदनंदिनी
भुई !!
हवा मनात गंध तो सदा मनी वसेल जो
फुले जगात आणती सुगंध तो ठसेल जो
मनात धर्म पाहिजे जसा दिसे फुलां मधे
सदैव लीन राहतो विठू पुढे बसेल जो
मनात शांतता हवी प्रसन्न बघ जगावया
तरच मिळेल गोडवा मनात तो असेल जो
मजूर ते किती तरी भुईस वंचिले सदा
असेल तो धनी खरा अता भुई कसेल जो
मना मनात जागवा समानता व बंधुता
घडेल त्यात देश मग हवा तसा हसेल जो
कदम,
मुंबई,
९५९४५७२५५५.
२९~०४~२०२२.
●
गालगागा गालगागा गालगागा गालगागा - व्योमगंगा
मैत्री !!
माणसांची प्रेम माया संपलेली पाहतो मी
एकमेकाशी सदोदित भांडताना पाहतो मी
काल होते खास वैरी आज मैत्री होत गेली
मित्रतेला जोडणा-या भावनेला मानतो मी
छान असते फार मैत्री जोडते जी दोन ह्रदये
प्रेरणा देई मनाला भेटता मग भारतो मी
जोडुनी एकेक मात्रा शेर माझा होत असतो
मित्र ही मोती जणू ते गुंफताना आणतो मी
कोणताही स्वार्थ नसता साधलेली तीच मैत्री
जाणुनी हा मंत्र मोठा माणसांशी वागतो मी
प्रशांत कदम,
मुंबई,
९५९४५७२५५५,
०५~०४~२०२२.
●
गागालगा लगागा गागालगा लगागा - आनंदकंद
गझल श्वास माझा !!
बोलू तरी कसा मी गझलेस छंद माझा
ती प्राण वायु आहे श्वासास बंध माझा
माझी अशी सखी ती जीवास जीव देते
समवेत देत असते परमोच्चनंद माझा
झाल्या किती परिक्षा होत्या सदैव माझ्या
आहे गझल तरीही मोठा प्रबंध माझा
आशय सदा असा हा गझलेतला फुलावा
घेवून सर्व जागी पसरत सुगंध माझा
गझले विना अता मी जगणेच शक्य नाही
नसली गझल बरोबर तर श्वास बंद माझा
प्रशांत कदम,
मुंबई,
९५९४५७२५५५.
●